Aniq va ijtimoiy fanlar universitetining sun’iy intellekt magistratura dasturi – kelajak texnologiyalarini ilmiy tadqiqotlar orqali rivojlantirish

Aniq va ijtimoiy fanlar universitetining sun’iy intellekt magistratura dasturi talabalarga zamonaviy texnologiyalarning ilg‘or yo‘nalishlari bo‘yicha chuqur bilim olish va mustaqil ilmiy izlanishlar olib borish imkoniyatini taqdim etadi. Ushbu 2 yillik kunduzgi ta’lim dasturi sun’iy intellekt algoritmlari, mashinaviy o‘qitish, katta ma’lumotlar (big data) va tabiiy tilni qayta ishlash (NLP) kabi sohalarda ilmiy tahlil qilish va tadqiqot olib borishga qaratilgan.

Dastur davomida talabalar sun’iy intellektning nazariy asoslari, amaliy dasturlash, algoritmlar va modellar yaratish bo‘yicha chuqur bilim va ko‘nikmalarni rivojlantiradilar. Shuningdek, ular sun’iy intellekt tizimlarini loyihalash, tahlil qilish va ulardan foydalanish ko‘nikmalarini mustahkamlaydilar.

Sun’iy intellekt magistratura dasturi talabalarga IT, muhandislik, tibbiyot, iqtisodiyot va boshqa ko’plab sohalarda sun’iy intellekt texnologiyalarini qo’llash orqali muvaffaqiyatli karyera qurish imkonini beradi. Ushbu dastur kelajakdagi sun’iy intellekt mutaxassislari va tadqiqotchilarni tayyorlashga yo‘naltirilgan.